打假波

近日的意大利假波事件震撼球壇，但對兩個睇波多年的波友來說，真是見怪不怪。以下是他們的對話。

甲：「喂喂喂，祖記要降班喎，你知唔知o者？」
乙：「係？唔知喎﹗近排無乜睇報紙呀。」
甲：「真係估唔到意大利隊隊都打假波o既。」
乙：「咁你就真係睇得波少喇。」
甲：「點解呢？」
乙：「仲記唔記得當年無線那個Satchi球壇盛事呀？」
甲：「記得﹗星期日晚上十二點半，直播意大利甲組賽事那個嘛？都十多年前了。」
乙：「咪係囉，又話直播，又有哂直播標誌，點知係假的﹗意大利聯賽晚上八點半就開波，十二點半，乜都打完啦，都唔知直播d乜。呃鬼﹗」
甲：「係喎，諗返都俾佢呃左好幾年。」
乙：「咪係囉，直播都唔係直播，咁打埋假波，又有乜奇喎？」

可能小時候被無線特別照顧的關係，一直深明意大利波「假」得很的，所以兩波友對意大利的假波事件一點也不感到奇怪。